Антоний Поссевин Письмо к царю Иоанну Васильевичу 16 ноября 1581 г.

580 л. А се списокъ з грамоты ко государю папина посла с Антоньевы Посевинуса з Захаромъ же Болтинымъ.

Напресвѣтлѣйшій государю,

Андрей Полонскій, которого есми до пресвѣтлѣйшества твоего з грамотами своими посылалъ, вчора з гонцомъ твоимъ з Болтинымъ пріѣхалъ и обѣ двѣ мнѣ грамоты твои, в которыхъ полно было побожности и мирного жеданья, отдали, с чого се есмо в Господѣ Исусъ Христѣ велми взрадовалъ, иж ты для хвалы Божьей, какъ государь христьянскій, христьянского пастыря Григорья третья надесять викарья Христова зверхности велико важиши, его радѣнья постановленью миру и взастановленью княжаты христьянского покою хутливе наслѣдешь, ино я тые

40

грамоты от твоего величества тогож часу передъ королемъ Стеѳаномъ велѣлъ прочести, а до того ещо многими причинами и самого епископа навышшего зверхностію надпоминалъ и приводилъ есми короля, штоб болши того вже от кровопролитья крестьянского воздержался, да приступъ к городу не пускалъ, што без кровопролитья много быти не можетъ, а ведь же теперь пріѣздомъ гонца твоего Болтина и отворотомъ человѣка моего Андрѣя, а веть есми его до того привелъ, что мнѣ обѣщалъ, за сколко дней рать свою отсель отвернута; толко того никакъ есми перевести не могъ, штоб таки обел з государства твоего извелъ рать свою, сказываючи, аж де первей прямый и непорушный миръ станется; а то мнѣ заистинно посколку разсказывалъ, што естли деи миръ не будетъ, и онъ войско свое на зиму з великимъ гетманомъ с паномъ Яномъ Замоскимъ с канцлѣромъ полскимъ оставити хочетъ, а Ѳилона у Великихъ Лукъ з немалымъ людомъ, а иныхъ на городѣхъ околичныхъ оставити вдумалъ, а самъ король в Литву неребѣчь хочетъ для болшое посылки, штоб опять на веснѣ в землю твою пріѣхати мочь свѣжый посилокъ; а про то чымъ раней послы твои к тому месцу на сьѣздъ поспѣшатца и к дѣланью доброго дѣла вскорѣ прибудутъ, тымъ меншъ пустошенья будетъ и кровь проливатсе увоиметъ, што есте прамый велми надобный государьствамъ твоимъ миръ здѣлаешь. А про то, чтобы послы твои к тому яму Заполскому бережнѣе перейти могли, гонца твоего з грамотами опасными вскорѣ отпущено, а я в одномъ же мѣсцы з Болтинымъ посылаю до Новагорода человѣка своего вѣрного Василья Замоского, которого и бояре твои знаютъ, штоб наскоре ко мнѣ грамоты от воеводы або от пословъ твоихъ великихъ принесъ, чтобы мнѣ вѣдати, которого дни и часу и на которомъ мѣсцѣ в дорозе мнѣ сьѣхатисе, а чтобы с ними розговорыть, какъ имъ с послы с Королевыми, чтобы без зацѣпки и без убытку какого зьѣхатися, которымъ, какъ ко мнѣ пишешь, и радѣньемъ и дѣломъ помогати буду, а какъ скоро Василей мой звернетца, того ж часу в дорогу за Порховъ на тоѣ мѣсто поѣду и прошу твоего величества, чтобы такъ о мнѣ разумѣлъ, какъ о вѣрнемъ своемъ, что всякое повинности крестьянское и прямого услугованья тобе не забуду, але о все, чего одно мнѣ к здѣланью всего дѣла и к застановленью миру надобеть будетъ, усиловати буду. За тымъ Господь Исусъ Христосъ твое величество наполни своею благодатью. Писана в обозе короля Стеѳана подо Псковомъ лѣта от Рождества Христова -го мѣсяца ноября -го дня.